"A vaca",
de Elvira Cereijo

Bendito animal que fuche sustento

das casas labregas de todos os tempos

axuda para o home labrar a terra

esterco morno que enriquece a leira.

Esteo das nais pra soster a mesa

fartura de leite, queixo e manteiga.

Quentura lenta que mornea os cuartos

mentras serea remoes descanso.

Vaca, vaquiña, Marela ou Xata

Gallarda, Linda, Romera ou Branca.

Tímida ollada,andar cansino

aceptas sumisa o servil destino

de darlle riqueza á vida labrega

de ser o cemento da terra galega

que faga o que faga nunca lle chega

pra che pagar o que fixeches por ela.

E. C.