Na xornada de onte xoves tivo lugar unha xuntanza na Ferretería Eventos, con membros das asociacións:
Os 5 Ríos do Corgo; Asociación de Veciños de Paradai de Lugo; Asociación de Veciños Riberas de Lea de Castro de Rei; Asociación Peña GV do Páramo; Asociación de Veciñal Aguiar de Outeiro de Rei; Asociación Airiños de Baralla; Asociación de Xubilados e Pensionistas de Lugo; Asociación de Mulleres de Paradela e Asociación Cultural Lugo Sempre de Lugo.
José Chousa López, Christian Fernández Díaz, Alfonso Gallego Vigo, Julio Castaño Toirán, Diego González, Julio Méndez, Menendez de Llano e José Cando Sixto, acompañados por membros das respectivas directivas, escoitaron e participaron nas propostas para poder coordinar eventos e accións de carácter cultural e humanista. O Presidente de Lugo Sempre, José Cando Sixto, puxo a disposición das asociacións presentes a plataforma de esta asociación en forma de web para poder establecer un órgano de comunicación entre todos os asociados.
Ao mesmo tempo, colleu forma a posibilidade de compartir actos como conferencias, charlas ou mesmo experiencias lúdicas nas localidades de cada asociación, e sempre respectando a autonomía de cada unha delas e mantendo una estreita colaboración entre a Irmandade. Especial fincapé se fixo na defensa dos dereitos dos maiores e xubilados de cara a calquera institución, pública ou privada, e faise un chamamento especial a todas as autoridades a manter un estreito contacto cos maiores que viven en soidade non desexada.
Como acto nacente, programarase para o vindeiro día 15 de novembro, ás oito da tarde na Ferreteria da rúa San Froilán de Lugo, unha charla sobre “O Testamento Vital” que estará a cargo de Don Ángel Usero, responsable do Rexistro Galego de Instrucción Previas en Lugo da Consellería de Sanidade. De cara o mes de decembro, impartirase cun enfoque humano “Ser vello en Lugo” da man de tres ponentes: Francisca Correa, traballadora social; Agustín Gallego, xerente de empresa de Servizos Sociais e Julio Méndez, xubilado activo na defensa dos dereitos dos maiores. Achegamento ao Rural, Lugo, na Galicia do Futuro; Historia da Radio, a Nosa Universidade… e máis temas, dos que se dará conta no seu momento, espallaranse polas distintas localidades que conforman a Irmandade Lugo Sempre.
Non somos, nin seremos no futuro, partidarios de organizar “días de…”, nin de colgar medallas a dereita e esquerda; pero non por elo deixaremos de recoñecer o traballo de persoas que merecen o noso recoñecemento pola súa loita e tenacidade. Citamos a dous colaboradores da asociación que, de seguro, seguirán a ser importantes nesta andaina, os dous MESTRES con maiúsculas: estamos a falar de Marisol Bravos, de sobra coñecida polos lugueses pola súa calidade humana e a súa loita pola integración social de persoas con diversidade funcional; e, por outra banda, Toño Núñez, un tamén poeta, naviego de tribu que, coa súa xunta directiva, loitan por conservar a identidade da “fala naviega” e recuperar o Castelo de Navia de Suarna. Ámbolos dous, na medida que precisen o noso apoio, xa o teñen.
A nivel organizativo, crearase unha xunta directiva que terá unha presidencia rotatoria e estará formada por dous membros de cada asociación. Por suposto que esta Irmandade queda aberta a calquera plataforma cultural e/ou veciñal que desexe incorporarse a un traballo sinxelo pero intenso, de cara a poñer en contínuo valor a nosa cultura e os dereitos máis elementais das persoas.
Créase un equipo coordinador para formar unha xunta directiva nas próximas semanas, formado por:
Agustín Gallego Vigo, en representación de “Lugo Sempre” de Lugo.
José Chousa López, en representación de “Os 5 Ríos” do Corgo.
Óscar Lourenzo, en representación “Veciños Riberas de Lea” de Castro de Rei.
CONTACTO:
Agustín Gallego Vigo: 636 185 612
José Chousa López: 686 625 657
Comparte
Síguenos!
Copyright LugoSempre.com 2021