Chiando artistas:
32 de luz

〉 32 de luz ~ Teresa Arrojo

Paixón pola expresión artística. Vida con todas as letras. Así é 32 de luz, o espazo creativo da lucense Teresa Arrojo. A súa infancia estivo marcada pola presenza da arte en todas as súas formas, un amor especial inculcado pola súa nai e que acompaña á artista dende entón. Despois de que a vida a levara por outros camiños, na actualidade adica a súa carreira ao que verdadeiramente lle gusta, definíndose como “facedora de obxectos útiles e menos útiles por pura necesidade existencial”.

32 de luz amosa que abarcar varias disciplinas da arte é posible. E que non crea que se pode transmitir todo o que levas dentro deste xeito… e que non coñece a Teresa. Alguén capaz de comunicarse con torrente de verbas, mais tamén cas mans, que deixan a súa pegada persoal en cerámica, obra viva, pintura, arte floral, xoias, pergamino… Hoxe, é posible visitar a súa obra en Lugo, na Rúa Isaac Díaz Pardo, 18.