〉 Benvidas e despedidas
O pasado venres día 14 ás 20:00h, Agustín Gallego Vigo, presidente de Lugo Sempre, convocou á Xunta Directiva da asociación a unha reunión urxente na cafetería “La Tapería de Mayte”, rúa Adolfo Suárez de Lugo. Alí informou de que ese mesmo día recibira a chamada de Elena Candia, candidata do PP ás eleccións do 28M para propoñerlle formar parte da súa lista. Ante tal situación, Agustín Gallego puxo o cargo de presidente a disposición dos socios presentes. Posteriormente, informou por teléfono a aqueles que non puideron acudir para que todos os membros de Lugo Sempre foran conscientes das circunstancias.
Así mesmo, coñecemos de primeira man que a socia Carmen Río, presente na reunión, , formará parte da lista de Galicia Sempre, tamén nas eleccións do 28M.
En primeiro lugar, como tal asociación, temos que congratularnos de ser semente de homes e mulleres que se comprometen co benestar de Lugo. Dito isto, manifestamos a opinión pública que o presidente de Lugo Sempre apártase do cargo que ostentou até ese momento e que a xunta directiva da asociación queda constituída, provisionalmente, da seguinte maneira:
Presidente
José Cando Sixto
Secretaria
Marta de Castro Leira
Tesoureiro
Juan Valcárcel Díaz
Vogal
Francisco Nieto Rodríguez
Responsable da Revista CHÍO
Melina López
Dende Lugo Sempre agradecemos o traballo desenvolto estes anos por Agustín Gallego Vigo e Carmen Río.
Comparte
Síguenos en
Copyright LugoSempre.com 2021