O ferrete é unha forma de chamar ironicamente ás coplas que se recitan diante do Concello, ao finalizar o Enterro da Sardiña. Están conformadas por estrofas en verso e o contido das mesmas debe ter unha boa carga crítica, sobre todo da actualidade local, provincial ou galega, sempre dentro do respecto e a corrección. Estas pequenas coplas satíricas constan de varias estrofas e dun retrouso que se irá repetindo entre estrofa e estrofa.

Para celebrar a tempada de carnaval, velaquí o ferrete do Gran entroido do Luguiño.

Gran entroido do Luguiño

éncheme as urnas de votos

para facer o que eu queira

cos veciños e devotos.

 

Lariña baila, Lariña goza

mentres o Jesús dos Jesusianos

xestione mesa e mantel

con adictos e achegados

 

Elena vecina recente

a por todas sae o campo

Con sol ou con xeada

Ha sair enfariñada.

 

Gran entroido do Luguiño

éncheme as urnas de votos

para facer o que eu queira

cos veciños e devotos.

 

Rubén teimudo estrelado

ha deixar Lugo sin coches

correndo e a pé imos poñernos finos

con sermóns e faraleiros.

 

Olga, ciudadana da contorna

con siglas cambiadas de cor

a por todas ou a por nada

sae rufa coas chocas ó pescozo.

 

Gran entroido do Luguiño

éncheme as urnas de votos

para facer o que eu queira

cos veciños e devotos.

 

Felices festas!

 

 

Copyright LugoSempre.com 2021