〉 Macía
Miguel Ángel Martínez Fernández, (Miguel Anxo Macía), nace en Lugo en 1955 e realiza, sendo mozo, un curso por correspondencia de debuxo e pintura que remata convertíndose no paso para constatar a súa gran vocación e máis as súas grandes dotes para o debuxo. Coñecémolo por ser o protagonista da portada do número XV da Revista Chío en decembro de 2022 coa súa obra “Videochamada con Venus”.
É licenciado en Belas Artes pola Facultade de Belas Artes San Carlos de Valencia, onde termina os seus estudos en 1985 e recibe a Beca del Paular no mesmo ano de graduarse.
Ten recibido máis de trinta premios e distincións ao longo da súa carreira. Ademais, dende 1992, cando realiza os carteis para as festas do Entroido de Xinzo de Limia e de Vilalba, ten participado como artista invitado na Beca de pintura “Valdearte”, partcipado do “Taller Picasso de Unión Fenosa”, A Coruña, ou acadado a distinción de “Milagrosista del Año”, pola Asociación de Veciños, Comerciantes e Industriales da Milagrosa, Lugo.
A súa obra atópase en coleccións institucionais como a Deputación Provincial de Lugo, IES Lucus Augusti, Concello de Lugo, Escola de Empresariais de Lugo, Asociación Cultural Meigas e Trasgos (Sarria), Asociación cultural Xermolos (Guitiriz),… así como en numerosas coleccións particulares en España e outros países
Unha selección dos máis recentes premios e recoñecementos do artista podería ser…
2020: Miguel Anxo Macía recibe o terceiro premio. 20º Certamen de Pintura Rápida Lugo.
2016: O Círculo das Artes de Lugo incorpora a súa pinacoteca o óleo “Lecer no cafetín”.
2013: 1º premio, “I Certame de Pintura “Ernesto Goday” do Concello de O Grove.
2001: 1º premio, “I Certame de Pintura Rápida Ciudad de Lugo”, Lugo. Premio adquisición, “I Salón de Pintura do Mar”, Cedeira.
1996: 1º premio de pintura, “IV Certame de Artes Plásticas Cidade de Lugo”, Lugo. 2º premio, “I Certamen Nacional de Pintura Nelson Zúmel”, Madrid
Comparte
Síguenos en
Copyright LugoSempre.com 2021