Camiño de oito anos, no que a empresa de xestión dos quiscos da Praza Maior e da Praza de San Domingos (o da Milagrosa, milagrosamente retirado) foi o tacho e entrou en concurso de acreedores; a denominada Rede Galega de Kioskos, foi unha entidade creada pola Cooperativa Galega de Minusválidos (COGAMI) para xestionar estas dependencias pechadas a cal e canto dende hai anos. Xuntanzas, reunións entre partes para non chegar a acordos de retirada do solo público. En Santiago aconteceu algo semellante, pero a dinámica do Concello Compostelán é outra ben distinta; tanto é así que, de xeito legal, esgotando prazos e procedimentos pasou a ser titular dos quioscos.
En Lugo parece que as decisións son “ate que morra o conto”; lixeiros andiveron a hora de retirar o da Praza da Milagrosa, que logo de feita a remodelación da mesma, non reubicaron o quiosco. E sí, claro que poden dar un bo servizo ben xestionado como própio establecemento de venda de prensa, punto de información turística, WC…; agora ben, sempre e cando sexan outras as localizacións e que non entorpezcan nin paisaxe, nin momumentos, tal como acontece na actualidade na Praza Maior como un pegote sin xeito, e o da Praza de San Domingos anulando a contemplación da parte da igrexa gótica das Agustinas.
